|
¿Que é unha plataforma tecnolóxica?
As plataformas tecnolóxicas son instrumentos creados para
impulsar a competitividade industrial a través da cooperación
entre os axentes representativos dun sector no eido científico-tecnolóxico.
A través desta plataformas preténdese canalizar as actividades de I+D+i de empresas,
universidades, centros tecnolóxicos e outros centros de investigación, cun enfoque
de cooperación destinado a producir sinerxias e promover o traballo de colaboración
en proxectos innovadores.
As plataformas serán a chave para lograr un maior aproveitamento das oportunidades
que se están a ofrecer neste eido a nivel europeo, estatal e autonómico, oportunidades
que contribuirán ó fortalecemento do tecido tecnolóxico e industrial.
Tecnopeixe
TECNOPEIXE consiste na integración efectiva dos esforzos en investigación entre todos os axentes implicados no sector da
pesca en Galicia, aplicándose a incrementar o coñecemento para mellorar o desenvolvemento do mesmo,
garantindo a competitividade do sector e a sustentabilidade dos recursos; un alto estándar de
calidade dos produtos e a mellora das condicións de todos os implicados na actividade contribuíndo
deste xeito a consolidar e reforzar a súa posición de liderazgo tanto a nivel estatal coma europeo.
A Plataforma nace como un foro de traballo onde se aportarán ideas e esforzos, e onde estes se
sumarán para consensuar recomendacións que sirvan para:
• Fomentar o impulso de infraestruturas científico-tecnolóxicas
• Promover proxectos en colaboración,
• Unificar posicións no seo de foros nacionais, europeos ou internacionais,
• Propoñer estratexias a curto, medio e longo prazo,
• Realizar propostas dos futuros programas galegos, estatais e europeos de investigación e desenvolvemento no tocante á pesca e marisqueo.
|
